Мэдээлэл‎ > ‎

Зарлал


“MИНИЙ БАГШ” СЭДЭВТ БИЧЛЭГИЙН УРАЛДААНЫ ТУХАЙ

posted May 1, 2018, 7:12 PM by Д. Пүрэвсүрэн   [ updated May 1, 2018, 7:14 PM ]

ЕБС-ИЙН АХЛАХ АНГИЙН СУРАГЧДЫН ДУНД ЗОХИОН БАЙГУУЛЖ БУЙMИНИЙ БАГШ” СЭДЭВТ БИЧЛЭГИЙН УРАЛДААНЫ ТУХАЙ

 

Багшийн хариуцлага, нэр хүндийг дээшлүүлэх, багш мэргэжлийн онцлогийг тодруулах, үнэ цэнийг таниулах, сурагчдын авьяас чадварыг хөгжүүлэх, зохион бичих сонирхлыг дэмжихэд оршсон энэхүү уралдаанд хот болон хөдөө орон нутгийн ЕБС-ийн  Х-XII ангийн нийт 338 сурагч дараах 4 төрлөөр оролцлоо. Үүнд:

·         Багшийн тухай дурсамж (37 сурагч)

·         Багшийн тухай шүлэг (101 сурагч)

·         Багшийн тухай эсээ (122 сурагч)

·         Багшдаа бичсэн захидал (78 сурагч)

Уралдааны дүнг 2018.05.07-ны дотор гаргаж танилцуулах болно.

 

 

Уралдаан зохион байгуулах комисс

 

“Багш нарын эрдэм шинжилгээний бага хурал”-ын удирдамж

posted Apr 10, 2018, 6:13 PM by Д. Пүрэвсүрэн   [ updated Apr 10, 2018, 6:15 PM ]

“Гурван-Эрдэнэ” Багшийн Дээд Сургуулийн

Багш нарын эрдэм шинжилгээний бага хурал”-ын

удирдамж

 

 Зорилго

    Багш нарын сургалт, судалгааны ажлыг дэмжих, нийтэд сурталчлах, хичээлийн үр өгөөжийг сайжруулах боломжийг эрэлхийлэх, багш хоорондын хамтын     ажиллагааг өргөжүүлэхэд тус хурлын зорилго оршино.

 Хамрах хүрээ

“Гурван-Эрдэнэ” БДС-ийн багш нар, хуралд оролцохыг хүссэн их дээд сургуулийн багш нар

 Чиглэл: “Сургалтын чанарыг сайжруулах нь”

Хугацаа

2018. 04.10-20-ны хооронд

 Тавигдах шаардлага

ü  Судалгааны ажлын боловсруулалт

ü  Шинэлэг байдал

ü  Онолын ба практик ач холбогдол

ü  Илтгэх чадвар

ü  Эшлэл, номзүйг тус сургуульд баримталж буй стандартын дагуу хэрэглэсэн байх зэргийг үндэслэн шалгаруулна.

 Анхаарах зүйл

ü  Илтгэлийг times new roman  фондоор, үсгийн хэмжээ 11, мөр хоорондын зай 1.5 байхаар бичнэ.

ü  Илтгэлийг 4.10ы дотор багш Г.Даваажаргалд цаасаар болон файлаар (davaajargal@3erdene.edu.mn) хүлээлгэн өгнө. Жич: Хугацаа хоцорсон илтгэлийг хүлээн авахгүй болохыг хариуцлагатайгаар мэдэгдье.

 Шалгаруулалт:

I шат: 04.12-нд Эрдэм шинжилгээний хуралд оролцохоор ирүүлсэн

            илтгэлүүдийг комисс уншин шалгаруулна.

II шат: 04.20-нд Нэгдүгээр шатнаас шалгарсан илтгэлүүдийг хэлэлцүүлж

 байр эзлүүлнэ.

Шагнал

I байр 1, өргөмжлөл, мөнгөн шагнал

II байр 1, өргөмжлөл, мөнгөн шагнал

III байр 1, өргөмжлөл, мөнгөн шагнал

                                                                                                 “Гурван-Эрдэнэ” БДС-ийн Эрдмийн Зөвлөл

2018.02.26

"Миний багш" сэдэвт бичлэгийн уралдааны удирдамж

posted Mar 29, 2018, 1:31 AM by Д. Пүрэвсүрэн   [ updated Apr 18, 2018, 12:42 AM ]

ЕБС-ИЙН АХЛАХ АНГИЙН СУРАГЧДЫН ДУНД ЗОХИОН БАЙГУУЛАХ  “MИНИЙ БАГШ” СЭДЭВТ  БИЧЛЭГИЙН УРАЛДААНЫ УДИРДАМЖ


НЭГ. ЗОРИЛГО

Багшийн хариуцлага, нэр хүндийг дээшлүүлэх, багш мэргэжлийн онцлогийг тодруулах, үнэ цэнийг таниулах, сурагчдын авьяас чадварыг хөгжүүлэх, зохион бичих сонирхлыг дэмжихэд оршино. Энэхүү уралдаан нь “Гурван-Эрдэнэ” Багшийн Дээд Сургуулийн 30 жилийн ойг угтан зохион байгуулагдаж байгаа бөгөөд цаашид жил бүр уламжлал болон үргэлжилнэ.

ХОЁР. ХАМРАХ ХҮРЭЭ

ЕБС-ийн Х-XII ангийн сурагчдын дунд зохион байгуулна. Нэг сурагч хэдэн ч төрлөөр оролцож болно.

ГУРАВ. БИЧЛЭГИЙН ТӨРӨЛ

•             Багшийн тухай дурсамж

•           Багшийн тухай шүлэг

•           Багшийн тухай эсээ

•           Багшдаа бичсэн захидал

ДӨРӨВ. БИЧЛЭГТ ТАВИГДАХ ШААРДЛАГА

•             Багш мэргэжлийн онцлогийг жишээ баримт, үндэслэл нотолгоонд тулгуурлан эргэцүүлэн бодож, үнэлж дүгнэн, бодол сэтгэлээ илэрхийлсэн бичлэгтэй байх

•           Эсээ 500-700 үгтэй байх

•           Аrial 12 фонтоор  шивсэн, мөр хоорондын зай Single байх

•           Өөрийн овог нэр, холбогдох утас, сургууль, ангиа дэлгэрэнгүй бичсэн байх

ТАВ. ХУГАЦАА

      Бичлэгийг 2018 оны 03 сарын 25-с 04 сарын 25-ны хооронд “Гурван-Эрдэнэ” Багшийн Дээд   Сургуулийн  gurvanerdene@yahoo.com цахим хаягаар файлаар болон “Гурван- Эрдэнэ Багшийн дээд сургууль”  facebook хаягаар, мөн тус сургуулийн сургалтын албанд цаасаар авчирч өгч болно.

Уралдааны дүнг “Монгол бичиг соёлын өдөр” буюу 05-р сарын 03-нд танилцуулна. Цаашид жил бүр уламжлан болгон зохион байгуулах бөгөөд сурагчдын бүтээлийг жилийн туршид хүлээн авна.

ЗУРГАА. УРАЛДААНЫ ШАЛГАРУУЛАЛТ

     Бичлэгийг мэргэжлийн эрдэмтэд, монгол хэл-уран зохиолын багш нараас бүрдсэн тусгай багаар хэлэлцэн тэргүүн, дэд, гутгаар байрын эздийг тодруулна.

      Эхний 18 хүртэл байрт шалгарсан  бичлэгийг “Гурван-Эрдэнэ” Багшийн Дээд Сургуулийн веб сайт-д болон тус сургуулийн эрхлэн гаргадаг “Багшлах эрдэм” сэтгүүлд хэвлэн нийтэд сурталчилна. Радио нэвтрүүлэгт оролцуулна. Шавь нараа идэвхитэй оролцуулсан багш нарт номын цомгоор хишиг хүртээж дурсамж хадгалуулна.

УРАЛДААНЫ ШАГНАЛ

  • I байр  10 хүртэл сурагч. Өргөмжлөл, “Гурван-Эрдэнэ” Багшийн Дээд Сургуульд суралцах сургалтын төлбөрийн хөнгөлөлт 50%, Их зохиолчийн мэндэлсний 110 жилийн ойгоор гаргасан Д.Нацагдоржийн зохиолын цоморлог 2 боть, гэрэл зураг
  • II байр 5 хүртэл сурагч. Өргөмжлөл, “Гурван-Эрдэнэ” Багшийн Дээд Сургуульд суралцах сургалтын төлбөрийн хөнгөлөлт 30%, Их зохиолчийн мэндэлсний 110 жилийн ойгоор гаргасан Д.Нацагдоржийн зохиолын цоморлог 2 боть, гэрэл зураг
  • III байр 3 хүртэл сурагч. Өргөмжлөл, Их зохиолчийн мэндэлсний 110 жилийн ойгоор гаргасан Д.Нацагдоржийн зохиолын цоморлог 2 боть, гэрэл зураг

 

Уралдаантай холбоотой асууж лавлах зүйл гарвал 70111994, 99075739 утсаар холбогдоно уу!

Хаяг: УБ. БГД.17-р хороо, Амарсанаагийн гудамж-7 (баруун дөрвөн зам).

                                        Зохион байгуулагч: “ГУРВАН-ЭРДЭНЭ” БАГШИЙН ДЭЭД СУРГУУЛЬ

                                         Хамтран зохион байгуулагчид:            

                                                                            СОЁЛ УРЛАГИЙН ИХ СУРГУУЛЬ                                                                                                                                                              МОНГОЛ БИЧГИЙН “ЕРТӨНЦ” ТӨВ

Оюутны хөгжлийн зээл шинэчлэгдлээ.

posted Feb 25, 2018, 11:43 PM by Д. Пүрэвсүрэн

    Таван хувийн хүүтэй байсан “Оюутны хөгжлийн зээл”-ийг оюутнуудад хүүгүй олгож байхаар Засгийн газрын 2018 оны 02 дугаар сарын 06-ны өдрийн 46 дугаар тогтоолыг батлан гаргасан. Ингэснээр жилдээ 35-37 мянган оюутан, суралцагч зээл авах боломж бүрдэж байна. Оюутнууд сургуулиа төгсөөд ажилтай, орлоготой болсныхоо дараа зээлээ эргэн төлөх юм. Тухайн оюутан 10 сая төгрөгийн зээл авсан гэж үзвэл зургаан жилийн турш сар бүр 139 мянган төгрөг төлөхөөр байгаа нь дундаж орлоготой иргэний амьдралд дарамт болохгүй гэж Засгийн газар үзсэн.

    Өмнөх журмаар зээлийн хамрах хүрээг нэмэгдүүлж, бүрдүүлэх материалыг нь цөөлөн, цахим хэлбэрт шилжүүлсэн. Гэвч хамтран зээлдэгч нь тогтмол орлогогүй, давхар зээлтэй, төлбөр, орлогын харьцаа хэтэрсэн зэргээр банкны шаардлага хангаагүй 40 гаруй мянган оюутан, суралцагч зээл авч чадаагүй байна. Тодруулбал өнгөрсөн хугацаанд 90 тэрбум төгрөгийг зээл хэлбэрээр өгөх эх үүсвэр байсан ч банкууд таван тэрбумыг л олгожээ. Иймээс зээлийг арилжааны банкаар бус “Боловсролын зээлийн сан”-гаар дамжуулан өгнө, ингэхдээ банктай адил өндөр шалгуур тавихгүй юм.

Гол нь зээлдэгч хичээлийн жилийн нэг улиралд 10-аас доошгүй цагийн хичээл судалж, дүгнүүлсэн байх ёстой. Хангалтгүй үнэлгээ авсан хичээлийг давтан суралцсан тохиолдолд тухайн багц цагийн хичээлийн төлбөрт зээл олгохгүй.

Мөн бакалаврт суралцаж байгаа зээлдэгчийн өмнөх улирлын голч дүн 2.8 болон түүнээс дээш, магистрант, докторант бол голч дүн 3.2 болон түүнээс дээш байх тохиолдолд зээлийг үргэлжлүүлэн олгохоор журамд заажээ.

Дээрх журмыг баталснаар Засгийн газрын үйл ажиллагааны хөтөлбөрт тусгасан “оюутан, суралцагчдад үндэсний тэтгэлэг, зээл, буцалтгүй тусламжийн үйлчилгээг үзүүлэх тогтолцоог ил тод, нээлттэй болгож, хүртээмжийг нэмэгдүүлэх, оюутан, суралцагчдыг сургалтын төлбөрийн дарамтгүй болгох” гэсэн зорилт бүрэн хэрэгжиж эхэллээ.

 

 



Дараах оюутны судалгааг бөглөнө үү.

posted Feb 5, 2018, 11:34 PM by Д. Пүрэвсүрэн   [ updated Feb 6, 2018, 12:00 AM ]

Google Spreadsheet Form


Cloud University программд бүртгэх оюутны анкетийг бөглөнө үү.

posted Feb 5, 2018, 11:28 PM by Д. Пүрэвсүрэн   [ updated Feb 6, 2018, 12:02 AM ]

Google Spreadsheet Form


Зарлал

posted Jan 29, 2018, 10:57 PM by Д. Пүрэвсүрэн   [ updated Jan 29, 2018, 10:58 PM ]

Түүхийн клубын 2017-2018 оны хичээлийн жилийн үйл ажиллагаа 2018 оны 2 сарын 2-ны 14.00 цагаас 308 тоотод эхлэх тул манай клубэд гишүүнээр элсэх сонирхолтой оюутнууд 306 тоотод Д.Цогзолсүрэн багшид бүртгүүлнэ үү.

 

Холбоо барих утас: 93032475

Mail хаяг: tsogzolsuren@3erdene.edu.mn

“Оюутны эрдэм шинжилгээний бага хурал” зохион байгуулагдах гэж байна.

posted Jan 29, 2018, 10:56 PM by Д. Пүрэвсүрэн   [ updated Jan 29, 2018, 10:56 PM ]

“Гурван-Эрдэнэ” БДС-ийн

“Оюутны эрдэм шинжилгээний бага хурал”-ын удирдамж

 

Зорилго

 “Гурван-Эрдэнэ” БДС-д суралцаж буй оюутан залуусын мэргэжлийн идэвх оролцоог нэмэгдүүлэх, судалгаа шинжилгээний ажлыг эрчимжүүлэх, илтгэх чадварыг дээшлүүлэх, сурах арга барилыг хөгжүүлэх, оюутнуудын хоорондын хамтын ажиллагааг өргөжүүлэхэд тус хурлын зорилго оршино.

 

Хамрах хүрээ

“Гурван-Эрдэнэ” БДС-ийн 1-4-р ангийн оюутнууд

 

Чиглэл: “Сурах арга барил”

Хугацаа

2018.03.02

 

Тавигдах шаардлага

ü  Судалгааны ажлын боловсруулалт

ü  Шинэлэг байдал

ü  Онолын ба практик ач холбогдол

ü  Илтгэх чадвар

ü  Эшлэл, номзүйг тус сургуульд баримталж буй стандартын дагуу хэрэглэсэн байх зэргийг үндэслэн шалгаруулна.

 

Анхаарах зүйл

ü  Тус сургууль дээр мөрдөгдөж буй академик бичлэгийн стандартын дагуу бичнэ.

ü  Илтгэлийг 02.27-ныг дуустал багш Г.Даваажаргалд цаасаар болон файлаар (davaajargal@3erdene.edu.mn) хүлээлгэн өгнө. Жич: Хугацаа хоцорсон илтгэлийг хүлээн авахгүй болохыг хариуцлагатайгаар мэдэгдье.

 

Шалгаруулалт:

I шат: 02.28-нд Эрдэм шинжилгээний хуралд оролцохоор ирүүлсэн

            илтгэлүүдийг комисс уншин шалгаруулна.

II шат: 03.02-нд Нэгдүгээр шатнаас шалгарсан илтгэлүүдийг хэлэлцүүлж

байр эзлүүлнэ.

 

Шагнал

I байр 1, өргөмжлөл, шагнал

II байр 1, өргөмжлөл, шагнал

III байр 1, өргөмжлөл, шагнал

 

 

“Гурван-Эрдэнэ” БДС-ийн Эрдмийн Зөвлөл

2018.01.29

 

Тогтвортой хөгжил-Дээд боловсрол зөвлөгөөн зохион байгуулагдлаа.

posted Jan 29, 2018, 7:33 PM by Д. Пүрэвсүрэн

http://zuvluguun.num.edu.mn/conf2018/

“Багш нарын нээлттэй семинар”-т та бүгдийг урьж байна.

posted Dec 19, 2017, 12:20 AM by Д. Пүрэвсүрэн   [ updated Dec 19, 2017, 12:22 AM ]

 “Багш нарын нээлттэй семинар”-ын хөтөлбөр

 2018 оны 1-р сарын 3-ны өдөр  "Гурван-Эрдэнэ" БДС-ийн эрдмийн зөвлөлөөс жил бүр зохион байгуулагддаг "Багш нарын нээлттэй семинар" зохион байгуулагдах гэж байна.

 

1000-1010

Нээлт

Нээлттэй семинарыг доктор (Ph.D) Ч.Жачин хөтлөн явуулна

1010-1020

Б.Баянаа

“Уншлагын идэвхтэй аргуудыг хичээлд ашиглах нь” (Унших үг хөгжил хичээлийн жишээн дээр)

1020-1030

П.Булган

 “Семинарын хичээлийг тоглоомын аргаар зохион байгуулах нь” (Бага насны хүүхдийн асаргаа сувилгаа хичээлийн жишээн дээр)

1030-1040

Д.Ганцэцэг

“Оюутны ярих чадварыг сайжруулах боломжийг судалсан нь” (ХХЯХАЗ хичээлийн жишээн дээр)

1040-1050

Н.Ганцэцэг

“Мнемотехникийн аргыг сургалтад хэрэглэсэн нь” (Сэтгэл судлалын үндэс хичээлийн жишээн дээр)

1050-1105

Сэдэвтэй холбоотой асуулт хариулт

1105-1115

Г.Даваажаргал

“Монгол бичгээр унших чадварыг хөгжүүлэх нь” (Монгол бичиг хичээлийн жишээн дээр)

1115-1125

М.Ичинноров

“Шинжлэх ухааны эх уншиж ойлгох арга барил” (Сурган хүмүүжүүлэх зүй хичээлийн жишээн дээр)

1125-1135

Б.Мөнхцоож

“1-р ангийн оюутнуудын англиар уншиж ойлгох чадварын судалгаа” (English-1 хичээлийн жишээн дээр)

1135-1145

Б.Түвшинжаргал

“Мэргэжлийн үг хэллэгийг ойлгох чадварыг ахиулах нь” (Сургалтын хөтөлбөр судлал  хичээлийн жишээн дээр )

1145-1200

Сэдэвтэй холбоотой асуулт хариулт

1200-1300

Цайны цаг

1300-1310

Д.Цогзолсүрэн

 

“Оюутны ярих чадварыг дэмжих арга барил” (МУТ хичээлийн жишээн дээр)

1310-1320

Д.Пүрэвсүрэн

 “Рубрикээр үнэлэх нь” (ББМО хичээлийн жишээн дээр)

1320-1330

М.Энхтүвшин

 “Семинарын хичээлд талант аргыг хэрэглэх нь” (Хөгжмийн боловсрол хичээлийн жишээн дээр)

1330-1345

Сэдэвтэй холбоотой асуулт хариулт

1345-1355

Семинарыг хааж доктор (Ph.D) Ч.Жачин үг хэлнэ.

 

 

 

 

 

2017.12.18

1-10 of 34